Shillong, Jymmang 05 : U samla Saptarshi Bhattacharjee jong ka Laban Bengalee Boy’s Higher Secondary School, Shillong, ula ioh ia ka kyrdan ba nyngkong eh (top) ha ka eksam Higher Secondary School Leaving Certificate (HSSLC) jong ka Science stream.
Ka Meghalaya Board of School Education (MBoSE) kala pynbna ia ka result jong ka eksam HSSLC- Science stream hynne ka sngi Nyngkong.
Une u samla ula ioh haduh 483 marks bad u dei uba shim ia ka sobjek-English, Computer Science, Phyrsic, Chemistry bad Mathematics.
Ha ka kyrdan ba-ar la ioh da ka Drishana Roy Choudhury jong ka St. Anthony’s Higher Secondary School, Shillong, kaba la ioh 477 marks. Ki sobjek kiba ka shim ki dei ka English, Computer Science, Physics, Chemistry, Mathematics bad Alternative English.
Ka kyrdan ba lai ruh kala leit sha ka samla pule ka St. Anthony’s ka Shwete Sarma, kaba la ioh 473 marks. Kane ruh ka dei kaba shim ia kijuh ki sobjek.
Ka samla Iairi Dapynsuk Swett jong ka St.Anthony’s kala ioh ia ka kyrdan kaba saw da ka jingioh 469 marks, bad la bud da arngut kiba ioh ia ka kyrdan kaba san kata u samla Debojit Malakar jong ka Laban Bengalee Boy’s bad ka samla Ressa Ee Christine Suting jong ka North Liberty Higher Secondary School, Mookyndrop, Jowai. Kine baroh arngut kila ioh 461 mark.
Ka kyrdan ba san ruh la iasam hapdeng u samla Gary K Gangte ka St.Anthony’s bad ka Saptaparna Kar jong ka St Mary’s Higher Secondary School. Kine baroh arngut kila ioh mar 460 marks. U samla Jeson Sumer ka St. Anthony’s ula ioh ia ka kyrdan ba hynriew da 459 marks.
Ha ka kyrdan ba phra la iasam biang hapdeng u samla Gaurav Das ka Laban Bengalee Boy’s bad ka samla Sanida Emi Pakma jong ka St. Mary’s. Kine kila ioh mar 458 marks.
Ka kyrdan ba khyndai ruh kala leit sha arngut ki samla kata ka Soma Biswa ka St.Anthony;s bad ka samla Rilanaika Sari jong ka North Liberty, kiba ioh mar 452 marks.
Ka samla Samridhya Das ka Don Bosco College, Tura, kala wan ha ka kyrdan ba 10 da ka jingioh 450 marks.
