Shillong, Jymmang 2: Ki ar ngut ki dkhot ka Meghalaya Sport Climbing & Mountaineering Association (MeSCMA) kila pyndep pura ia ka Mountaineering courses kaba la long ha Himalayan Mountaineering Institute (HMI), Darjeeling bad kin ioh ia ka kyrdan Grade “A” kaba dei ka grade kaba kaba heh ia kaba yn ai da ka Mountaineering Institutes halor ka jinglah ban leh bha ka jong ki.
Ia kane ka training course la sdang ha u bnai Iaiong naduh ka shi tarik haduh ka 28 tarik mynta u snem bad ia kine la bei tyngka da ka Directorate of Sports and Youth Affairs.
U Balawanhabor Rynjah na Sankardev College u la wan ha ka kyrdan 1st Position ha ka Sport climbing Competition bad kum shi bynta jong ka height gaining training u Balawan Rynjah bad ka kynhun jong 65 trainees na ka Advance Mountaineering Course kila poi ha rmCamp I jong u Mt Kabru Dome.
Ha kawei pat ka liang, u Keliostar Pdai, uba dei u constable jong ka 3rd MLP Battalion ha ryngkat bad ki 71 ngut ki trainees kila kiew ia u Mt. Renok (16,500Ft) ha ma por sdang kane ka Basic Mountaineering Course.
Ka jingshah hikai ha kane ka course ka kynthup naduh ka physical training, Yoga, rock climbing, ice climbing, jumar climbing, trekking, ice craft, crevasse rescue, map reading, rope techniques bad rappelling.
