Nongstoiñ, Ïaiong 25: Sa shisien biang ka St Peter’s HSS ka la rah ïa ka nam lahduh lane Over all Champion ha ka lympung District Level Inter School Sports Meet kaba 30, ba la pynïaid da ka District Sports Officer West Khasi Hills ryngkat bad ka NDSA ha Nongpathar Stadium.
Ka St Peters HSS ka la khur bun eh ki points na ki jingïalehkai bapher bapher, kiba la dep ban pynlong ha kine ki lai sngi kynthih kata naduh ka sngi balang kaba dei 23 tarik.
Nalor ka nam lahduh, ki la don kiwei pat ki khusnam ba kham kyrpang kiba kynthup ïa ka best Under-14 boys sha u Lucky John Lyngkhoi jong ka Bethel Presnbyterian SS bad best Under-14 girls sha ka Mercyfull Umiong jong ka Borsing Memorial SS.
Nangta best Under-16 boys la ïoh da u Wanteikyrpang Marbaniang jong ka Sib Singh HSS bad Best Under-16 girls sha ka Dolly Lyngdoh Nonglait jong ka Bosco SS. Shuh shuh, ha ka best Under-18 boys la ïoh da u Pynshaimanik Kharbani jong ka Sib Singh HSS bad best Under-18 girls sha ka Ioris Syiem jong ka Mawrang SS Rambrai.
Ïa ka nam Best team Under-14 boys la ïoh da ka Nongstoiñ Public SS bad Under-14 girls da ka Borsing Memorial SS. Best team Under-16 boys la ïoh da ka St Peter’s HSS bad best team Under-16 girls la ïoh da ka Mawrang SS Rambrai. Ha ka Under-18 boys la ïoh best team da ka Sib Singh HSS bad Under-18 girls la ïoh da ka Mawrang SS Rambrai.
Ïa ka nam lahduh ha ka March Pass la ïoh da Mount Hermon Academy SS Nongstoiñ bad ïa ka nam ba ar la ïoh da ka Nongstoiñ College Higher Secondary Section.
Ïa kine ki khusnam la ïoh ban sam da I Kong Darlene Khonglam Sports Officer, Office of the Directorate of Sports and Youth Affairs, I ba dei ruh I kongsan I ba la wan khnang ban ai mynsiem ai khublei bad pynkut ïa kane ka lympung ba mynta u snem.
Kiwei pat kiba la don bynta ha kaba sam ïa ki khusnam ki long I District Sports Officer West Khasi Hills kong Balarina Syiem, nangta ki nongshah khot sngewbha, ki Principal, ki nonghikai bad kiwei kiwei.
