Shillong, Iaiong 23 : Haba ai jingtip thymmai halor ka jingpyllait ia ka Post-Matric Scholarship jong ki samla pule ST u snem 2023-24, u Commissioner & Secretary ka Tnad Education Vijay Kumar Mantri ula pyntip ba ha ka sngi Balang ba la dep thep ia ka pisa sha Bank jong ki 11858 na ka 13,719 ngut ki samla pule haduh mynta.
U pyntip ba la kyrpad ia ki Bank ba kin pynkloi noh ha kaban phah ia ka pisa sha ki account jong ki samla pule haba bynrap ba ia kiba sah sa 1961 ngut, lah shem ba kim pat dep pyniasoh ia ka Bank Account bad u Aadhaar.
“Ban pynbeit ia kane, la phah ia ka SMS sha ki samla ba dang sahteng ha ka 22 tarik Iaiong, 2025, ba kyrpad ia ki ba kin pyndep noh ia ki jingdonkam baroh hapoh ka 15 sngi khnang ban kloi ka jingpyllait ia ki scholarship jong ki” ula bynrap.
La kyrpad ia ki samla pule ba lada ki don kano kano ka jingbymshai ne kwah kylli jingkylli ba kin phone ha ka CM CONNECT Helpline Number 1971 lane ‘18003456851’ lane ki Number ka Tnad- 7005037347/ 9077574956.
