Shillong, Iaiong 21 : Ki Pulit ANTF lem bad ka kynhun na Nongstoin Police Station, kila ioh ban kem ia uwei u suba nongkhaii ganja katba u dang die ganja ha Iew Nongstoin.
Ia une u briew la tip kyrteng u Dibostar Hoojon uba dei na ka shnong Umyiap, Langpih bad ba shongwai ha Iew Nongstoin.
Ha ka jingkhynra ia ka Iingsah jong u, ki Pulit kila ioh ban kurup haduh 574 gram u ganja.
Ia une u briew la register case hapoh ki kyndon ka NDPS ha Nongstoin Police Station.
Ka jingtohkit mynta kala iaid shakhmat ban lapdien ia kiwei pat kiba donkti kynthup ia ka jaka ba u ioh ia une u ganja.
