Shillong, April 18: U Symbud Myntri Rangbah ka jylla uba khmih ia ka Tnad Home (Prisons) u Bah Sniawbhalang Dhar, ula pyntip ba ka sorkar jylla ka dang pynkhreh ban ithuh noh ia ka jaka na ka bynta ban tei ia ka Central Jail.
“Ngi dang pynkhreh ban ithuh noh ia ka jaka ban tei ia ka Central Jail. Shisien ba ngi lah dep ban ithuh pura ia ka jaka yn sa tei ia ka Jail ne phatok kaba thymmai, ngin sa pynkynriah noh ia ka Shillong District Jail kaba mynta kaba don ha ka nongbah Shillong” ong u Bah Sniawbhalang Dhar haba iakren bad ki nongthoh khubor ha ka sngi Palei.
Kham mynshwa, kala don ka jingtyrwa ban tei ia ka Central Jail ha New Shillong Township. La iasoi ruh ia ka jingiatehkular hapdeng ka Tnad Home (Jail) bad ka Tnad Urban Affairs ban pynkynriah noh ia ka Shillong District Jail sha ka jaka kaba don ha New Shillong Township.
U Bah Sniawbhalang ula ong, ba ym pat lah ban ong eiei, la yn tei ia ka Jail ha New Shillong Township ne ha kiwei pat ki jaka namar haduh mynta, ki kam ki dang iaid shakhmat na ka bynta ban ithuh ia ka jaka.
 u Bah Sniawbhalang Dhar, ula pyntip ba ka sorkar jylla ka dang pynkhreh ban ithuh noh ia ka jaka na ka bynta ban tei ia ka Central Jail.){kind=link}