Shillong, Iaiong 14 : Ka Liang Pyrshah Voice of the People Party (VPP) kala pynbna ia ka rai ban nym leit iashimbynta ha ka jingialang ban wan jong ka All Party Committee bala thaw da ka Sorkar ban shong bishar ia ki kam ba iadei bad ka jingpyniasoh lynti rel ha Ri-lum Khasi bad Jaintia.
Ha ka shithi bala phah sha u Chief Secretary Bah DP Wahlang, u General Secretary ka VPP bad MP ka Shillong Dr Ricky AJ Syngkon ula ong “…ka VPP ka sngewsih ban pyntip ba ngin ym iashimbynta ha kane ka Committee ia mynta”.
Haba iaroh ia ki sienjam ba shim da ka Sorkar ban thaw ia ka All Party Committee, u Dr Syngkon ula ong “Hynrei, ka VPP ka don jingsngew ba hashuwa kano kano ka jingiakren ban wanrah lynti rel ha Ri-lum Khasi bad Jaintia, kan bha shibun ban leh eiei nyngkong eh ia ki jingsngewkhia ba shonghok jong ki paidbah ba iadei bad ka jingbym tehlakam ia ka jingrung kyrthep ki briew ba nabar sha Jylla”.
Ula ong ba ka VPP ka sngew ba ka jingthaw ia ka Committee ban iakren bad pyntreikam ia ki lad ki lynti kiba treiam bha ban khanglad ia ka jingrung kyrthep ki briew ba nabar-kum ka Inner Line Permit (ILP)-ka dei ban wan hakhmat ban ba iakren halor ka jingpyniasoh lynti rel.
 kala pynbna ia ka rai ban nym leit iashimbynta ha ka jingialang ban wan jong ka All Party Committee bala thaw da ka Sorkar ban shong bishar ia ki kam ba iadei bad ka jingpyniasoh lynti rel ha Ri-lum Khasi bad Jaintia.){kind=link}