Shillong, Iaiong 10: Ka jingiakhun ia ka Semi Final hapdeng ka Meghalaya pyrshah ia ka Manipur ha ka 2nd NECDC Senior Women Tournament 2025 ha Rangpo, Sikkim, la hap ban pynsangeh noh hynne ka sngi Palei namar ka jingpynthud u slap.
Watla ki nongialehkai kila mih ha madan ban ialehkai hynrei la ioh ban kawang bol tang arsien bad la pynsangeh noh ia kane ka jingiakhun na ka jingslap.
Kumta ia kane ka jingiakhun ia ka Semi Final yn pynlong noh ha ka Sngi Thohdieng.
Ka Meghalaya kala ioh rung sha ka Semi Final da kaba long ka lahduh ha ka Group A, katba ka Manipur kala wan baar ha ka Group B.
Katba ha ka jingiakhun ia ka Semi Final ka baar, ka Sikkim kala pynrem ia ka Nagaland da 1 wiket.
Kine ki ar tylli ki kynhun ha u snem ba la dep, kila ioh ban bat lang ia ka nam lahduh hadien ba ka jingiakhun ka jongki kala shah pynthud noh ha u slap ha ka jingialehkai ia ka Final.
Hynne ka sngi, ka Sikkim kala tehlakam ia ka Nagaland ban kamai tang 70 run bad hap lut ki nongtied ha ka 17.4 over bad ka Sikkim kala lah ban pynrem ia ka Nagaland haduh ka jingkawang ia ka bol kaba khatduh jong ka 20 over ban khur ia ka jingjop.
