Mairang, ïaiong 9: Ka Jingiaseng Khasi Jaintia Presbyterian (KJP) Assembly kaba XII (Khatar) kan sa long ha ka Balang Presbyterian Pyndengumiong, Eastern West Khasi Hills District naduh ka 10tarik- 13tarik ïaiong, 2025.
La khmih lynti ba ki riewngeit na kylleng ka ri Khasi bad Jaintia kin sa poi ha ka 13tarik Iaiong, 2025 na ka bynta ka Jingiaseng paidbah ka ban long ha Madan Tiehpdang.
Ban lait na ka jingdheng kali bad ban suk ka iaid ka ieng, ka Ophis u superintendent of police Eastern West khasi Hills District ka la bthah bad buh ryntih ia ka rukom pyniaid kali.
Na ka bynta ki kali kiba wan na Shillong kin laid lane Rung na Lumsohkhlur – Mairang Mission – Pyndengumiong Station bad ki Jaka Parking kin long ha Madan Dommawlum, ha Tirot Singh Memorial Hall, ha Parking jong Kong Mary Marbaniang, ha Parking jong Kong Madonna Langstieh, ha Parking jong Kong Rosina Marwein, ha Parking jong Kong Mistilda Marwein bad ha Parking jong Bah Kwar Rani.
Katba ia ki kali kiba wan na Nongstoin kin laid lane Rung na Mawsawa – Pungsaniang bad ki Jaka Pynienh kali kin long ha Madan Fire & Emergency Service Training School, ha Parking jong Kong Patricia Mawlieh, Tiehpdang, ha DC, Office Complex bad ha Children Park Parking, Mawsawa.
Na ka bynta ki kali kiba wan na Nongkhlaw kin iaid lane Rung na Langstiehrim – St Thomas School Junction bad ki Jaka Parking kin long ha St Thomas Parish Ground, ha Parking jong Kong Madonna Langstieh, ha Parking jong Kong Roitina Nongrum bad ha Madan Football Pyndengumiong, Langstiehrim bad ia ki kali kiba wan na Laitdom kin iaid lane Rung na Laitdom – Mairangbah bad ka Jaka Parking kan long ha Madan Kuli, Mairangbah.
Ka Ophis u SP ka kyntu ruh ia ki nong ñiah kali ba kin sngewbha ban kohnguh ia ki jingkdew bad jingpyniaid jong ki Pulit Traffic bad ki Volunteer, Ki nongniah kali kim dei ban pynher stet, Ki nongniah kali kim dei ban pynieng kali kulmar harud surok, hynrei ban pynieng beit ha ki jaka ba la pyni da ki nongpyniaid kali bad ynda la rung ha area Eastern West Khasi Hills District kim dei shuh ban Overtake lane knieh tam shakhat.
Lada don kano kano ka jingdonkam kyrkieh sngewbha ban phone sha ka Police Control Room (PCR) Mairang ha u Phone Number – 7629981814.
