Shillong, Iaiong 8: Ka kynhun Myntri ka sorkar jylla hynne ka sngi Baar kala ai jingmynjur ban pynkylla ia ki kyndon jongka Meghalaya Housing Engineering bad Technical Service Rules, 2017 na ka Principal rules jong ka Tnad Housing.
Haba pyntip ia kane hadien bala wai ka jingialang, u Myntri Rangbah ka jylla u Conrad K Sangma ula ong ,”Namar ba kila don sa katto katne tylli ki post kiba la thaw da ka Tnad Housing na ka bynta ban pyntrei ia ki kam bad ban don ia ki jingkitkhlieh ki bapher bapher, kumta ia kitei ki kyrdan hap ban kynthuplang ha ka Service Rules bad la pynkylla ban kynthup ia kitei ki nongtrei kiba thymmai kiba la wanrah thymmai da ka tnad Housing”.
“Ia kitei la khmih bniah da ka Law department, personnel department bad ka finance department,” ula ong.
