Shillong, Lber 31: Ka Jamshedpur FC ka la pynliem ia ka NorthEast United FC da 2-0 haka jingialehkai ia knieh ban ioh rung sha Semi Final jong ka Indian Super League (ISL) 2024-2025.
Kane kadei ka sien kaba lai kynthih iaka North East United ban shah rem ha nongbah Shillong.
Ka jingialehkai hapdeng ka North East United bad ka Jamshedpur kala long ha Jawaharlal Nehru Shillong.
Ka Jamshedpur lane ka Ka Red Miners kan ïakhun pyrshah ïa ka Mohun Bagan Super Giant kaba jop ïa ka League Shield ha ka jingïalehkai kaba saw kaba khatduh, katba ka jingïalehkai jong ka North East lane ka Highlanders ha ka jingïalehkai kan kut noh da kane ka jingshah pynliem haka Jamshedpur.
Ki jingjop ba 5 sien shabar jong ka Jamshedpur FC mynta ka samoi ka long kaba bha tam iaka kynhun hapoh ka lympung ISL.
Ka Jamshedpur kala ioh ban thep Goal nyngkong lyngba ka jinglah u Ashutosh Mehta uba la tan ïa ka bol sha u Stephen Eze uba la ioh ban thep haka minit kaba 29.
Ka Jamshedpur kala mad jingeh hadien ba u Mobashir Rahman u la shah ai Red Card haka minit kaba 88 hadien ka jingïakhun kaba khlem thikna hynrei khatduh ki la ïoh ban thep ïa ka kol kaba ar lyngba u Javi Hernandez.
Ka Jamshedpur FC kan ïakhun pyrshah ïa ka Mohun Bagan Super Giant haki 2 tylli ki jingialehkai kata hapdeng ka 3 bad 8 tarik Iaiong 2025.
 2024-2025.){kind=link}