Shillong, Lber 24 : U Symbud Myntri Rangbah ba khmih ia ka Tnad Transport Bah Sniawbhalang Dhar ha ka sngi Nyngkong, ula pyntip ba ka Sorkar Jylla shen kan sa pynmih ia ka jingpynbna ban pyntreikam noh da ka “Speed Limit” (u pud niah sted ia ki kali) ha ki surok bapher bapher na ka bynta ka jingiada ia ki jingim, pynduna ia ki aksiden kali bad wanrah jingshngain ia baroh ki nongiaid nongieng.
Haba kren sha ki lad pathai khubor, u Bah Sniawbha ula iathuh ba ula dep iashong jingialang bad baroh ki Tnad ba don bynta ha kane ka kam halor ka Road Safety.
Ula ong “Ngi la pynkhreh ia kane bad hapoh ar-lai bnai, ngin sa lah ban wanrah ia ka jingpynbna halor u pud ka jingniah sted ia ki kali ha ki surok bapher bapher-ha ki jaka sor bad ki surok bah”.
“Ngi kyntu ruh ia ka Tnad Pulit ban pynthikna ia ka jingpyrrkhing halor ka jingniah sted palat pud ia ki kali” ula bynrap.
U Symbud Myntri Rangbah ula pyntip ruh ba baroh ki tnad ba don bynta ha ka kam, la bthah ia ki ba kin shim ia baroh ki sienjam ban tehlakam iaki jingjia aksiden ha ki jaka bala ithuh kum ki jaka ba ju jur bha ki jingjia aksiden.
“Ki don ki jaka kiba ju jia bha ki jingjia aksiden bad ngi la bthah ba dei ban pynbeit ia ki jingbthah ban pynthikna ia ka jingduna ki jingjia aksiden hadien habud” ula ong.
 ha ki surok bapher bapher na ka bynta ka jingiada ia ki jingim, pynduna ia ki aksiden kali bad wanrah jingshngain ia baroh ki nongiaid nongieng.){kind=link}