Shillong, Lber 14 : Ka jinglum khajna na ka khalai siat khnam bad jingdie nombor tim kala kiew da 148.57 percent hapdeng u snem 2022-23 haba ianujor bad kiwei ki snem.
Ia kane la pynpaw da ka kaiphod jong ka Comptroller and Auditor General (CAG) ha ka jingioh lum pisa ka Jylla ha u snem ba kut ha ka 31 tarik Lber, 2023 bala wanrah hapoh ka Iingdorbar Thaw Ain ha ka sngi Palei.
Kala ong ba ka jinglum ia ka khajna kala kiew da 320.75 percent na ka T.0.53 klur (2017-18) sha ka T.2.23 klur (2018-19). Ka jingkiew ha u 2019-20 (T.2.91 klur) na u snem 2018-19 (T.1.19 klur) da 41.48 percent.
Hynrei, ka jingioh lum pisa kala jiar da 59.11 % (T.1.72 klur) ha u 2020-21 (1.19 klur) na u 2019-20 (T.2.19 klur). Ka jinghiar kala bteng ha u 2021-22 (T0.70 klur) na u 2020-21 (T.1.19 klur) da 41.48 %.
“Hapdeng u 2022-23, ka jingioh lum pisa kala kir da 148.57% (T.1.74 klur) haba ianujor ia u 2021-22 (T.0.70 klur)” ong ka kaiphod.
Ka Tnad kala pynpaw ba ka jinghiar ha ka jingioh lum pisa ka dei namar ka jingkhangdam na ka khlam Covid-19.
Ka Tnad kala pynpaw ba kam shym la buh ia ka thong halor ka jingioh lum ia ka khajna na ka khalai siat khnam bad ka jingdie ia ki nombor tim hapdeng kine ki snem ba la leh ia ka audit.
 ha ka jingioh lum pisa ka Jylla ha u snem ba kut ha ka 31 tarik Lber, 2023 bala wanrah hapoh ka Iingdorbar Thaw Ain ha ka sngi Palei.){kind=link}