Shillong, Lber 11 : U Myntri kam ialehkai ka Jylla Bah Shakliar Warjri ha ka sngi Ba-ar, ula kular ba ka Tnad kan sa leh survey bad khein ia ka jinglut jingsep jong ki project bapher bapher ha Mawryngkneng Constituency.
Haba jubab ia ka jingkylli ba wanrah da u MLA ka MLA Bah Heavingstone Kharpran ha Iingdorbar, u Bah Shakliar ula pyntip ba ki project ba don hapoh ka jingbishar jong ka Tnad ki kynthup ia ka jing siang artificial turf, ka jingshna ia ki jingker bad ka cover gallery ha Madan Apkhaw, Sohryngkham Lulong, ka jingshna ia ka jingker bad cover gallery ha madan Sohryngkham Neng, ka jingshna jingker ha Mawdngong, madan Sohryngkham Mawdieja, ka jingshna ia ka jingker bad cover gallery ha Thadlyndit, ka jingshna ia ka jingker bad ka cover gallery ha madan Sohryngkham Mawutieng, ka jaka pynieng kali bad ka jingsiang artificial turf ha madan Mawryngkneng.
