Jowai, Rymphang 28 : U MDC ka Bataw-Lakadong Dr Sankey Shangpung ula shah jied biang kum u Chairman ka Jaintia Hills Autonomous District Council (JHADC).
Arngut ki kyrtong kila iakhun ia ka elekshon Chairman kaba long hynne ka sngi Thohdieng, ba kynthup ia u MDC ka Congress na Saphai-Sahsniang Bah Riput Parein, kaba la pyniaid da u Deputy Commissoner ka WJH Abhinav Kumar Singh.
Baroh 29 ngut ki MDC kila iashimbynta ha ka jingiathep vote bad u Dr Sankey ula jop da kaba ioh haduh 20 vote katba u Bah Rikut Parein ula ioh 6 vote. Lai tylli ki vote kila iaid sha ka NOTA.
Lah ban kdew, u Dr Sankey Shangpung ula shakri kum u Chairman haduh 4 snem jong ka samoi treikam bala lah ka Council.
