Shillong, Rymphang 26 : U Myntri Khynnah ka Ministry of Education Dr Sukanta Majumdar ha ka sngi Balang, ula kular ban sa pynbeit noh kloi ia ka kynrum kynram kiba don hapoh ka skulbah North Eastern Hill University (NEHU).
Haba iakren bad ki nongthoh khubor ha Shillong, u Dr Majumdar ula ong ““Ngi dang peitngor bha ïa kane bad ngi kwah ban pynduna ïa kane bad nga kyrmen ba ngin lah ban pynduna ïa ki jingeh bad kaei kaei kaba ki ïakynduh namar ki samla pule ki dei ka bynta ba kongsan jong kano kano ka jaka pule bad kumta ka tnad jong ngi kala iakren bad ka bor pyniaid bad ngin sa lah ban pynbeit noh kloi ïa kiei kiei.”
Haba jubab ia ka jingkylli halor ka jingdawa ban weng noh ia u Vice Chancellor jong ka NEHU, une u Myntri Khynnah u la ong ba katei ka skulbah ka dei kaba treikam laitluid bad ka don ka rukom thung ia u Vice Chancellor.
“Kumta, phim lah ban pynkylla ia u VC namar ka jingdawa. Kam long kaba lah hynrei ka sorkar India ka dang iakren beit bad ki bor pyniaid jong kane ka skulbah” ula bynrap.
.){kind=link}