Nongpoh, Rymphang 19: U MDC bad kyrtong ka National People’s Party (NPP) na Umroi constituency Bah Rangkynsai Kharbuki ula kob ba ka NPP kan khur hapdeng 17-18 seat ka jingjop ha kane ka elekshon KHADC, ban long la 21 tarik u Rymphang.
Une u MDC ula pynpaw ia kane ha ka rynsan ialap elekshon kaba long hynne ka sngi Balang ha madan ka shnong Umroi Nongrah, kaba dei ka sngi khatduh ban pynkut ia ka jingialap elekshon.
Une u MDC ula pynlong da ka rally paidbah ha kane ka jaka kaba la wan iashimbynta da ki nongialam ka NPP kynthup ia u MLA barim Bah Ngaitlang Dhar, u MLA ka Umroi Bah Damanbait Lamare, u MDC ka Rambrai Jyrngam Bah Bajop Pyngrope bad kiwei kiwei.
Da ki hajar ngut ki paidbah na kylleng ki jaka jong ka Umroi constituency, kila iapoi sha kane ka rally ban sngap ia ki jing kren jong ki nongialam ka NPP bad jong une u kyrtong.
U Bah Rangkynsai ula ong ba kam phew kiwei ki kynhun ki kynthoh ia u da kumne kumtai bad pynsngap ruh ia ka voice record kaba ym lah ban tip ka dei jong no, hynrei ki paidbah ki dei kiba stad bad ba lah ban bishar kham bha.
“Nga ai khublei kyrpang ia ki paidbah kiba la ai ka jingkyrshan bad kyrmen ruh ba kin dang kyrshan biang ban pynjop ia u ha kane ka elekshon ban wan” ula ong.
Une u MDC ula pynthikna ba ka NPP kan khur ia ka jingjop ha kane ka elekshon KHADC ban wan-ka ban long haduh 17-18 seat napdeng ka 29 tylli.
Ki Nongialam ka NPP haba ai jingkren, kila kyntu ia ki paidbah ba kim dei ban sngap ia ki jingkynnoh ba laiphew jait ia ka party bad kumjuh ruh ia u MDC bad ong ba ka NPP kaba ialam ia ka Sorkar, ka dei ka party kaba la kut jingmut ban trei na ka bynta ka bha ka miat u paidbah bad ka roi ka par jong ka Jylla ha baroh ki liang.
Kila ther tyngeh ruh ia ki seng sain pyrthei kiba kam ieid jaidbynriew tang ma ka ha kane ka jingialap elekshon bad ong “Wat heh ka tyngam ban ong Ieid Jaidbynriew, haba phim lah ban pyni ia ka kam, ka NPP ka pyni ia ka jingieid jaidbynriew lyngba ka jinglah ban wanrah ia ki kam pynroi bapher bapher ban kyntiew ia ki Shnong ki thaw kane kein kata ka kam na bynta u paidbah kaba dei ka nongrim jong ka party”.
 na Umroi constituency Bah Rangkynsai Kharbuki ula kob ba ka NPP kan khur hapdeng 17-18 seat ka jingjop ha kane ka elekshon KHADC, ban long la 21 tarik u Rymphang.){kind=link}