Kem ki Pulit ia 2 ngut kiba byrngem pynthei bomb
Shillong, Rymphang 04 : Ka Sorkar Jylla kala wanrah sa 5 pyrton ki Pulit ban pahara ia ka elekshon jong ka Khasi Hills Autonomous District Council (KHADC), ban long la 21 tarik Rymphang.
“Ki bor pahara kila don mynta bad ngi la nang buh shuh shuh ia ki Pulit ha ki 34 tylli ki polling station ba lah ban mih jingkulmar bad 5 tylli ki polling station kiba don jingma” ong u Bah Vivek Syiem, Superintendent of Police ka East Khasi Hills.
Tang ha East Khasi Hills ka jingiathep vote kan long ha ki 931 tylli ki Polling Station.
U Bah Vivek ula ong ba man ki polling station kin iohi ia ka jingdon bun ki bor pahara kynthup ki mobile patrol, tactical patrol, ki jaka talasi bad kiwei kiwei ban pynthikna ia ka jingiaid beit iaid ryntih ka elekshon.
Ha kajuh ka por, une u Heh Pulit u pyntop ba ki Pulit kila kem haduh 2 ngut ki briew haba iadei bad ka jingkynnoh phah khubor byrngem pynbthei bomb. Kine ki briew ki dei kiba byrngem ban pynbthei bomb ha kylleng ki jaka ha Shillong.
, ban long la 21 tarik Rymphang.){kind=link}