Shillong, Rymphang 04 : U samla Pynshngain Kurbah, ula thaw histori na ki jingialehkai ka Jylla ban long u nongking lieng ba nyngkong eh ban wanrah ia ka nam sha ka Jylla ha ka jingiakop kinglieng.
Une u samla ula ioh ia ka takma rnong na ka lympung 38th National Games kaba la pynlong da ka Indian Olympics Association ha Uttarakhand.
U Pynshngain ula pyndep ha ka por ba 180.859 ha ka Run-1, katba ha ka Run-2, ula pyndep ha ka por 200.336.
Ka 38th National Games kala sdang naduh ka 28 tarik Kyllalyngkot bad kan kut ha ka 14 tarik u Rymphang.
Ka Meghalaya kala phah haduh 55 ngut ki nongialehkai bad ki official, kiba iakhun ha ki jingiakop iasiat, athletics, judo, archery, rowing, wushu, swimming, canoeing & kayaking bad boxing.
Ka MSOA lyngba u Secretary Bah Finely Pariat, kala ai khublei ia une u samla bad ka jingkhublei ba kyrpang ia u Vincent bad ka Shella halor ka jingtrei shitom bad jingaiti jong ki ban kyntiew ia ka kam ialehkai kinglieng hapoh ka Jylla.
