Aipor 5 sngi ka MEPA bad SPC ia u President ka VPP ban panmap ia ki Lad Pathai Khubor

Date:

Share post:

Shillong, Rymphang 01 : Ka Meghalaya Editors’ & Publishers’ Association (MEPA) bad ka Shillong Press Club, kila aipor 5 sngi ia u President ka Voice of the People Party (VPP) bad MLA ka Nongkrem Ardent M Basaiawmoit, ba un panmap halor ki jingkynnoh lamler ia ki 2 tylli ki lad pathai khubor-ka BatesiTv bad ka T7.

Ha ka shithi bala phah sha une u Nongialam ka VPP, ka MEPA bad SPC kila maham ba lada um panmap hapoh kane ka por bala buh hadien ba iohpdiang ia ka shithi, kine ki ar synjuk kim banse ban leh eiei pyrshah ia u (Bah Ardent) bad ia ka Party jong u (VPP).

Ka MEPA bad SPC kala pynrem jur ia ka jingkynthoh jong u Bah Ardent ia ka BatesiTV bad T7 ha ka jingialang paidbah ba long ha Nongstoin, West Khasi Hills myn ha ka 15 tarik Kyllalyngkot bad ong ba kane ka jingkynthoh ka dei ka jingpynjah burom ia kine ki artylli ki Lad Pathai Khubor-bad buh ruh ha ka jingma ia ka jingshngain ka iaid ka ieng jong ki nonglum khubor jong kine ki artylli ki lad pathai khubor.

“Kum ki Nonglum Khubor, ka dei ka kamram jong ngi ban pathai ia ki khubor kiba iadei bad ka Jylla lem bad ki nongshong shnong jong ka. Ki jingkynnoh ba khlem nongrim kum ki jong phi (Ardent) ka buh ha ka jingma ia ka jingshngain, ka jingshaniah bad ka iaid ka ieng jong ki para nonglum khubor jong ngi” ong ka shithi kaba la soi da u President ka Shillong Press Club Bah Deimaia Siangshai bad u Vice President ka MEPA Rajiv Choudhury.

“Ngi dawa ia ka jingpynshai bam ardor halor kane ka jingkynthoh jong phi ha kane ka jingialang paidbah naba ki khubor ba la pynmih da kine ki lad pathai khubor ki dei, kat kum ka jingtip jong ngi, kiba shisha bad ka dei ka bym don kano kano ka jingpyrshang ban ktah mationg ne pynthohbria iano iano ruh ne ki seng sain pyrthei” kila bynrap.

Ka MEPA bad SPC kala ong “Khatduh eh, ym don satia kino kino ki seng sain pyrthei, ki seng bhalang ne seng kiengatiar lane ki nongialam jong kino kino ki kynhun kiba lah ban buh jingkylli ia ka kam jong ngi haba ngi dang trei ia ka kam kum ki Nongthoh khubor bad Nonglum khubor.

Share post:

spot_img

Popular

More like this
Related

Maham ka HNLC | Ka 6th Schedule bad Article 371 ki dei tang ka jingriam sain pyrthei

Shillong, Rymphang 01 : Ka Hynniewtrep National Liberation Council...

Leit iuhkjat u CM ha Sawmer | Plie ia ka Albera Choir Competition

Shillong, Rymphang 01: U Myntri Rangbah ka Jylla Conrad...

Elekshon KHADC | Thep kyrteng 3 ngut ki kyrtong ka BJP ban mih aireng

Shillong, Rymphang 01 : Lai ngut ki kyrtong ka...

Elekshon KHADC | Hun ki kyrtong Mawlai ia ka “Common Platform” ka MTD | Tang u Prah ban iaid marwei

Shillong, Rymphang 01 : Baroh ki kyrtong ban iakhun...