Shillong, Kyllalyngkot 12: Ka Ramakrishna Mission hynne ka sngi u Blei kala rakhe ia ka National Youth Day kaba 41, ne ka jingkynmaw burom ia ka lyngkhuh sngi kha jong u Swami Vivekananda da kaba pynlong ia ka prokram ha Ramakrishna Mission Vivekananda Cultural Centre Shillong.
U Swami Hitakamanandaji Maharaj, Secretary, Ramakrishna Mission, Shillong, ula plie ia ka jingialang kum u kongsan ha kaba la iadonlang ki heh na ka Nehru Yuva Kendra bad kiwei kiwei kiba la iashimbynta ha ka jingbuh syntiew ha u dur mot jong u Swami Vivekananda bad ka jingthang ia ka sharak bad ka Swadesh Mantra jongu Swami Vivekananda bad la rwai ruh ia ki jingtwai Khasi kiba sngewtynnad
U Swami Vedeshananda, Director, Vivekananda Cultural Centre, ula kren shaphang ka jingim jong u Swami Vivekananda, ba kynthup ka jingkha ba kyntang jong u, ka jingim jong u kaba bun ki kam, ka por jong u ba u don ha Shillong, bad ka jingieid jong u ia la ki para ri.
Ula pynshlur ia ki nongiashimbynta ban peit bniah ia ka jingim bad ki kam jong u Swamiji ban ioh shuh shuh ka jingsngewthuh kaba kham jylliew shaphang ka deiriti jong ka ri bad ka jingiar jongka bad ban sdang ia ka jingiaid lynti jong ka jingshem ialade.
U Swami Hitakamananda, ha ka jingai jingkren, ula ban jur ia ka jingkongsan ban ‘jingai jinghikai kaba tei ia ki briew bad kaba hikai ia ki ban long ki briew kiba bha’ kumba la thmu da u Swami Vivekananda.
U Swami Hitakamananda u la kyntu ia ki samla ban pdiang ia kine ki jinglong bad bud ia kine ki nuksa bad pyrshang ban trei bha ha baroh ki kam.
