Ka bainong sngi- Highly Skilled – T.645 , Skilled – T.605, Semi-Skilled-T.565, Unskilled – T.525
Shillong, K’lyngkot 10 : Ka Kynhun Myntri ka Sorkar Jylla ha ka sngi Thohdieng, kala mynjur ia ka Minimum Wage (jingsiew ba rit duh) ba dang pynthymmai (revised) bad pynheh ia ka jinglum khajna ban pynmyntoi ia palat 85000 ngut ki nongbylla sngi ha Meghalaya.
Haba khein kum ka rai kaba kongsan bha jong ka Sorkar, u Myntri Rangbah Conrad K Sangma ula ong ba ka Minimum Wage (jingsiew ba rit duh) ia ki Nongbylla kiba hap ha ka kyrdan Highly Skilled kin ioh mynta T.645 na ka T.586 shisngi, ki Skilled kin ioh T.605 na ka T.530, Semi-Skilled kin ioh T.565 na ka T.474 bad ki Unskilled kin ioh T.525 na ka T.419.
Ula ong ba baroh ki nongaikam kin hap ban pyntreikam ia kane ka dor ba thymmai lem kumta, la kyntu ia ki nongbylla ba kin aiti ia ki jingujor sha ka Tnad Labour ba kan leh ia kaba donkam.
Nalor kane, u Myntri Rangbah ula pyntip ba ka Kynhun Myntri kala mynjur ban pynkylla thymmai ia ka The Meghalaya Buildings and Other Construction Workers Regulation and Employment Condition Rules, 2008.
“Phi iatip ba ngi ju lum ia ka khajna (cess) bad ia kane ka pisa la pyndonkam na ka bynta ka jingmyntoi jong ki Nongbylla, kiba la register bad ka Sorkar. Kumba 80,000 lane 85,000 ngut kila dep ban register” ula ong.
U Myntri Rangbah ula ong ba ki don bun ki jingmyntoi ba ki nongbylla ki ioh kum ka jingmyntoi ha kaba siew bai leit sumar, ka jingsiew ban phah skul ia ki skul ba pule ha ki skul bad college— kumta ngi la pynheh ia kane ka khajna bad da kane ka amendment, ka jingmyntoi ka ban leit sha ki longiing bad ki nongbylla bala register, kan nang kham bun mynta.
Ula ong baka kynhun Myntri kala rai ban nang pynbun ia ki jingmyntoi sha ki nongbylla kiba la register ialade hapoh kane ka rule.
 ba dang pynthymmai (revised) bad pynheh ia ka jinglum khajna ban pynmyntoi ia palat 85000 ngut ki nongbylla sngi ha Meghalaya.){kind=link}