Shillong, K’lyngkot 09 : Ki Pulit ka East Khasi Hills, ha ka sngi Balang, kila ioh ban kem ia 2 ngut ki nongtuh thuk thuk bad ioh kurup ia 3 tylli ki thuk thuk na Mawsynram.
Kine ki arngut ki kyrteng u Sengku M Marak ba 24 snem bad u Cornalius Mukhim ba 18 snem, ong u Superintendent of Police ka East Khasi Hills Bah Vivek Syiem.
Ula ong ba ki Pulit ka Mawsynram Police Station haba pynlong ia ka jingtalasi kali, kila ioh ban bat ia artylli ki thuk thuk kiba la tuh na Shillong bad kawei na Assam.
Uwei na ki nongniah ula pyrshang ban phet na kane ka jingtalasi bad ki pulit kila thong ia u ban iohkem hynrei une u briew ula iehnoh shadien ia ka thuk thuk bad phet krad ialade sha khlaw.
Kine ki lai tylli ki thuk thuk ki dei kiba don u nombor AS19 N 8664, ML 05AD 3852 bad ML05 AE 1218. Ki Pulit kila kurup noh ia kine ki thuk thuk.
