Shillong, K’lyngkot 06 : U MDC ka Mawlai Bah Teiborlang Pathaw ha ka sngi Nyngkong, ula iehnohkam kum u Executive Member (EM) jong ka Executive Committee ka National People’s Party (NPP) ha Khasi Hills Autonomous District Council.
U Bah Teibor ula mih noh ruh na ka NPP bad ieh ia baroh ki kam kiba u bat hapoh ka Party. Kane ka sienjam ka long kum ka jingpynbud ia ka rai ban mih noh na ka Party kaba la shim ha ka jingialang ba long myn ha ka sngi Saitjain.
Kane ka rai ba kynsan kynsan jong u Bah Teibor ban mih noh na ka EC bad ka NPP ka dei kum ka dak ka jingburom ia ka rai jong ki paidbah ka Mawlai constituency myn ha ka 4 tarik Kyllalyngkot, kiba dawa ba um dei ban don ka jingsngew artatien ban iakhun ia ka elekshon MDC ban wan bad ba u dei ruh ban iakhun noh kum u kyrtong shimet.
U Bah Teibor ula phah ia ka shithi iehnohkam sha u President ka NPP-Meghalaya Bah Prestone Tynsong ba pyntip ba un nym iadonlang shuh bad ka NPP. Ula pyntip ba la pynwai noh ruh ia ka NPP Mawlai Block.
Haba iehnohkam kum u EM bad weng ia ka jingkyrshan ia ka EC ka NPP ha KHADC, une u MDC ka Mawlai ula leit ban aiti ia ka shithi iehnohkam sha u Chief Executive Member (CEM) Bah Pyniaid Sing Syiem hynne ka sngi.
“Nga burom ia ka rai ba ki paidbah ka Mawlai kila shim bad kata ka long ba ki kwah ia nga ban iakhun kum u kyrtong shimet bad ka sur u paidbah ka dei kaba halor bad kham khlain ban ia ka party” ong u Bah Teibor haba iakren bad ki nongthoh khubor hadien ba iehnohkam.
Halor ka jingkylli ba ki liang pyrshah bad ki jingkynnoh ha ki social media ki kynnoh ba ka jingkam ba rai ki paidbah ka dei tang ka drama, u Bah Teibor ula iai ban ba kin briew ki lah ban don iala ki jong ki jong ki jingsngew hynrei kum u Nongmihkhmat paidbah uba la shah jied ha ki paidbah, u burom ia ka jingsngew bad ka rai u paidbah namar dei ki paidbah kiba phah ia u sha KHADC.
“Nangne shakhmat, kano kano ka rai bala shim da ki paidbah kan dei ka rai ba ngan burom bad bud. Lada nga shah jied biang, ngan ieh ha ki paidbah ba kin iarai lang” ula bynrap.
 jong ka Executive Committee ka National People’s Party (NPP) ha Khasi Hills Autonomous District Council.a bynrap.){kind=link}