Shillong, Kyllayngkot 05: Saw tylli ki trok kiba la kit ia ki mar be-ain kiba shongdor T.28 Lak kila shah kurup noh ha ki shipai BSF kiba pahara ha ka thain khappud jong ka ri Inidia- Bangladesh ha Lalghat BOP, East Khasi Hills ha ka sngi Saitjain.
Nalor ka jingioh kurup la ioh kem ruh ia uwei u nongshong shnong ka ri India ha ka jingpyrshang ban khaii be-ain.
Ki BSF kila ioh kurup ia ka kyiad, slasha, dohkha, ktung, sabon, rynsun, ki nep bad kiwei kiwei da ka jingthmu ban khaii be-ain. U Briew uba la shah kem ryngkat bad ki mar kiba la ioh kurup la aiti noh sha ki bor jongka Custom ba kan leh shuh shuh ia kaba donkam.
