Nongstoin, K’lyngkot 04: Ki paid nongshongshnong ka shnong Umkap, West Khasi Hills, kila iamih paidbah hynne ka sngi Saitjain, ban iashna thymmai ia ka jingkieng dieng halor ka Wah Ryndi, kaba la shah rong noh ha ka umsaw jong ka lyiur u snem bala lah.
Kane ka jingkieng ka dei kaba pyniasoh ia ka shnong Umkap bad ka shnong Rongchong, East Garo Hills District.
Ki paid Umkap hapoh ka jingialam u Sordar Bah Jeremiia Dkhar lem bad ki nongshongshnong ka Rongchong, kila iamih ryntih lang ban iashna thymmai ia kane ka jingkieng, kaba dei ruh tang kane ka lad pyniasoh hapdeng kine ki arshnong na ki ar district.
Kine ki rangbah kila pynlut por haduh arsngi ban iakit iabah ia ki dieng bad ban shna thymmai ia kane ka jingkieng.
Haba kren sha ki lad pathai khubor, u Bah Jeremiia ula pynpaw ia ka jingsngewnguh ia ki paralok Garo kiba la wan ban iarap lem ha kaban shna ia kane ka jingkieng kaba lah ruh ban iaid ki thuk thuk na shiliang sha shiliang jong ka wah Ryndi.
