Shillong Nohprah 23: Ka seng National People’s Party hynne ka sngi nyngkong kala pynbna ia ka thup kyrteng ba ar jong ki 6 ngut ki kyrtong kiban iakhun ia ka elekshon MDC na Jaintia Hills Autonomous District Council (JHADC) kaban long ha ka 21 tarik u Rymphang 2025.
Kine ki 6 ngut ki kyrtong kiba la ioh tiket ban iakhun ia ka elekshon MDC ki kynthup ia u Bah Remdorkupar Lyngdoh na Saphai, u Bah Warmanship Shadap na Mowkaiaw, u Dr. Dashemlok Isniaw Kjam na Jowai North, u Bah Krison Langstang na Sumer, u Bah Aibor Hima Darnei na Saipung Nongkhlieh bad u Bah Daiapher Lamare na Narpuh constituency.
Kane ka thup kyrteng kaba ka NPP kala pyllait kadei ka thup kyrteng ka baar.
Baroh lang, ka NPP kala dep pynbna ia 26 ngut ki kyrtong ia ka JHADC bad 18 ngut ki kyrtong sha ka KHADC.
Ki Nongialam ka Party ki pyntip ba ia ki constituency ba dang sah ha KHADC bad JHADC, yn sa pynbna hapoh ka 10 tarik u Kyllalyngkot.
