Shillong, Nohprah 21 : U Symbud Myntri Rangbah ba khmih ia ka Tnad Home (Prison) Bah Sniawbhalang Dhar ula pyntip ba ka Sorkar Jylla kan dang ban shim rai ia ka jaka ban tei ia ka Central Jail.
“Nhi dang wad ban ithuh ia ka jaka ban tei ia ka Central Jail. Shisien ba ngi la dep rai bad hadien ba ngi la dep shna ia kane ka jail ba thymmai, ngin sa pynkynriah iaki koidi na Shillong District Jail” ula ong.
Hashuwa kane, ka Sorkar Jylla kala tyrwa ban tei ia ka District Jail ha New Shillong Township. Ka Tnad Jail kala iasoi ruh ia ka soskular bad ka Tnad Urban Affairs ban pynkynriah ia ka Shillong District Jail sha ka New Shillong Township.
“Hynrei, ngi sngew ba ngim lah ban pynkynriah ia ka jail ba mynta sha New Shillong Township bad ngi dang wad jaka, ka ban long sha khapsor” ula ong.
 Bah Sniawbhalang Dhar ula pyntip ba ka Sorkar Jylla kan dang ban shim rai ia ka jaka ban tei ia ka Central Jail.){kind=link}