Shillong, Nohprah 12 : Ha ka jingjia ba pynkyndit ia baroh, ka kali Sorkar jong ka Myntri Kong Ampareen Lyngdoh, kala shah thombor ha ka miet sngi Ba-ar ha Shillong katba ka dang leit phai shala iing bad ki bahaiing hasem.
Kane ka jingshah thombor kala jia hajan ka Greenhill Restaurant ha lynti ban leit sha 4th Forlong, Shillong.
Ka Iitkhmat jong kane ka kali ka Myntri ba don u nombor ML01-0011, kala pait bad hap lut sha madan ia kaba la sub aba don ki nongkawang da ki kynja mar ba khia.
Donbok, ym shym la don mano manor uh ba mynsaw ha kane ka jingshah thombor, naba ym shym la don mano mano ruh ba shong ha khmat lait na u nongniah.
Ka Myntri kala leit ban ujor ia ka ejahar ha Laitumkhrah Police Station ha ka sngi Palei, ban pyntip ia kane ka jingjia.
Ka khubor ba iohlum ka iathuh ba kane ka jingjia kala pynkyndit bad pynsheptieng ia baroh ki bahaiing hasem,kaba dei ruh ka daw ba slem ban leit ai ka jingujor sha ki Pulit.
Haduh mynta, ki bahaiing kim pat lah ban pynthikna la kane ka jingthombor ka dei kaba da thmu lane kaba shu jia ryngkhat.
