Shillong, Nohprah 03: Ka All Jaiñtia Muster Roll Workers and Labour Union (AJMRWLU) hynne ka sngi Ba-ar, ka la pynbna ban leit tur sha Secretariat ha ka 17 tarik mynta u bnai ban pyrshah ïa ka jingbym shimkhia jong ka Sorkar Jylla ban pynkiew ïa ka Variable Dearness Allowance (VDA) bad ka Floor Basic Rate (FBR).
La kam ba ka Sorkar ka la dei ban pynkiew ia ka VDA naduh 1 tarik Risaw 2024 bad ka Floor Basic Rate (FBR) kaba dei ban kyntiew shisien san snem naduh ka 1 tarik Risaw 2023 katkum ka Minimum Wage Act 1958.
Haba kren sha ki lad pathai khubor, u nongaiktien ka AJMRWLU u Bah KL Pariat u la ong ba ka jingdawa ka dei namar ka jingkiew dor jong ki marbam kaba la ktah ia ka ioh ka kot jong ki nongbylla.
U Bah Pariat u la ong ba ha kine ki lai snem ba la dep ka Sorkar kam shym la pynkiew ia ka ka tulop kaba la dei ban long man la ka san snem.
“Ka jingpynkiew ia ka bai bylla kaba khatduh eh ka dei ha u snem 2018 bad ladei ban pynkiew biang ha u snem 2023, hynrei haduh mynta ka Sorkar Jylla kam shym la pynkiew satia bad kumjuh ruh ia ka Variable Dearness Allowance kaba dei ban pynkiew ar sien shisnem” la iathuh u Bah Pariat.
U la ïathuh ba ha u snem 2018 ka Sorkar Jylla ka la pynkiew ïa ka tulop hadien ka jingmih ki Muster Roll ban iakhih sha surok.
“Imat mynta ruh ki hap ba ngin pynlong noh da ka jingiakhih khnang ba kin ioh ia la ka jong ka hok kaba la kdew shai katkum ka ai” u la ong.
Nalor kane u nongialam ka Union u la ïathuh ba ki la leit ban iakynduh ia u Myntri uba khmih ia ka tnat Labour bad ia u Commissioner and Secretary ka tnat Labour hynrei haduh mynta ka Sorkar kam pat ai ïa kano kano a jubab ba pynhun iaki Muster Roll.
 kaba dei ban kyntiew shisien san snem naduh ka 1 tarik Risaw 2023 katkum ka Minimum Wage Act 1958.){kind=link}