Shillong, Naiwieng 27: U Lamphang ka Iingdorbar thaw ain Thomas A Sangma hynne ka sngi Balang, u la pyntip ba un sa shong bishar kam halor ka jingshna ia ka Iing dorbar ba thymmai ha Mawdiandiang, ha ka 4 tarik Nohprah.
U Thomas u la ïathuh ba ka High Power Committee (HPC) kan sa leit ban jurip ia ka jaka ba tei iaka Iingdorbar thymmai ha Mawdiangdiang.
“Kumta ngin sa bishar bniah biang bad nga jan man la ka taiew nga dang buddien ia ka jingiaid ki kam” u la ong.
Haba kylli, u Lamphang u la ong “Ngim kwah ba ka tnum kan hap, dei na kata ka daw ba ngi shim suki suki ban tei iaki jingtei ha kane ka IIngdorbar thymmai.”
“Ka don ka jingkylla ha ka rukom shna, kumta ngi pynthikna ba ka jingtei kan ym don jingbakla bad kan long kaba skhem” u la bynrap.
 kan sa leit ban jurip ia ka jaka ba tei iaka Iingdorbar thymmai ha Mawdiangdiang.){kind=link}