Shillong, Naiwieng 26: Ka Jylla Meghalaya kala pyntip sha ka Sorkar Pdeng ba kala shim ia ki sienjam na ka bynta ban don ka jingiaid beit iaid ryntih ha ka jingsam ia ki marbam sha ki paidbah ne Public Distribution System (PDS).
Ia katei la pyntip da u Bah Comingone Ymbon, u Myntri uba khmih ia ka tnad Food Civil Supplies & Consumer Affairs ka sorkar jylla ha u Pralhad Joshi uba long u Myntri ka Sorkar Pdeng uba khmih ia ka Ministry of Consumer Affairs, Food & Public Distribution ha ka jingialang kaba la long hynne ka sngi ha nongbah Delhi.
U Myntri ka tnad Food Civil Supplies & Consumer Affairs u Bah Comingone Ymbon,ula pynthikna baka jylla ka iengskhem ha kaban pynlong kaba seisoh ia ka jingpyntreikam ia ka National Food Security Act (NFSA) bad ula banjur halor ki jingpyrshang ban pynthikna ïa ka jingsam ryntih ïa ki marbam sha ki baroh ki nongïoh jingmyntoi. Watla ka jylla ki don ki jaka kiba don ha ki jaka kiba long riat bad ka jingiar jong ki jaka sah, ka jylla kala lah ban pynbeit ia kitei ki jingeh.
U Myntri ula batai ia ki sienjam kiba la shim da ka jylla ban pynbeit ia ki jingduna ha ka jingpynbiang, ban pynkhlain ia ki lad ban pynbeit ia ki jingeh bad ban pynthikna ba ki jingmyntoi jong ka NFSA kin poi sha ki longiing kiba duk.
Ka jingialang kala phaikhmat ruh sha ka jingpyndonkam ia ki kor teknoliji da ka jingthmu ban pynkhlain ïa ka Public Distribution System (PDS).
U Bah Ymbon ula pynpaw ia ka jingsdang ia ka Route Optimisation Techniques kiba la pynwandur ban pynduna ia ka jinglut jingsep ha ka jingkit ban pynpoi ia ki marbam, kaban iarap ha kaban weng ia ka jingeh naka jinglong jingman jong ki jaka bad ban kyntiew ia ka rukom ai jingshakri.
Nalor kane, u Bah Ymbon ula iatai ruh ïa ka jingïatreilang ka Meghalaya bad ka United Nations World Food Programme (UNWFP) kaba treikam da kaba pyndonkam ia ki kor ki bor katkum kane ka juk stad kaba mynta, ban pynduna ia ka jingsepei ia ki marbam bad ban pynbha ha ka jingpynmih ia ki jingbam kiba tei ia ka jylla bad ula pynsngew ruh halor ka jingseisoh jong kane ka jingiatreilang, kiba la pynbha ia ka rukom sam ia ki marbam bad kyntiew ia ka jingpynneh pynsah.
Ha katei ka jingiakren ka kynthup ruh ia ki lad ki lynti ban kyntiew ia ka jingkhuid jingsuba ha ka jingsam ia ki marbam mardih.
U Bah Ymbon ula pyntip ba ka jingpyndonkam ia ki kor digital kum u Aadhaar-enabled services, e-POS devices bad real-time monitoring systems, kila pynthikna ba ia ki jingdon jingem la pyndonkam thikna bad ki jingmyntoi ki poi sha ki nongioh jingmyntoi.
U Myntri ka Sorkar Pdeng Pralhad Joshi ula ïaroh ïa ka rukom treikam ka jylla Meghalaya ban weng ïa ki jingeh bad pynthikna ba ka Sorkar Pdeng kan bteng ban ai iaka jingkyrshan ia ka Meghalaya ha kaban pynbha ia ka jingpynbiang ia ka bam bad ban kyntiew ia ka bha ka miat jong ki nongshong shnong.
Ha katei ka jingialang la wad ruh ia ki lad ki lynti ban don ka jingiatreilang kaba iajan hapdeng ka Sorkar Pdeng bad ka Sorkar Jylla ban pynkhlain ia ka jingsam ia ki marbam bad ban pynurlong iaka thong kaba ki angnud.
Ha katei ka jingialang la iadon lang Pravin Bakshi u Commissioner & Secretary bad ki heh ophisar jongka United Nations World Food Programme.
 bad ula banjur halor ki jingpyrshang ban pynthikna ïa ka jingsam ryntih ïa ki marbam sha ki baroh ki nongïoh jingmyntoi. Watla ka jylla ki don ki jaka kiba don ha ki jaka kiba long riat bad ka jingiar jong ki jaka sah, ka jylla kala lah ban pynbeit ia kitei ki jingeh.){kind=link}