Shillong, Naiwieng 22 : Ka Sorkar Jylla hynne ka sngi Thohdieng, kala pynmih ia ka hukum ban wanrah noh ia u Jagpal Singh Dhanao, IPS, kum u Superintendent of Police ka Anti Narcotics Task Force (ANTF), Shillong.
U Jagpal Singh Dhanao u dei uba bat mynta ia ka kam Superintendent of Police ka Ri-Bhoi District.
Kat kum ka jingpynbna ka Tnad Home (Police), u Jagpal un shimti ia kane ka kam na u Vivekanand Singh, IPS, u ban leit shimti mynta ia ka shuki Superintendent of Police ka Ri-Bhoi District.
Ia kane ka hukum la pynmih da u Secretary ka tnad Home (Police) Bah CVD Diengdoh halor ka jingai jingmut jong ka Civil Services Board (CSB).
Lah ban kdew hangne, ka jingwanrah ia u Jagpal Singh Dhanao sha ka ANTF, Shillong ka long eh ban pynkhlain ia ka jing ia khun pyrshah ia ka kam khaii droks hapoh ka Nongbah.
U Jagpal Singh Dhanao u dei u Heh Pulit uba la paw bha ha ka jingiakhun pyrshah ia u droks ha East Jaintia Hills District mynba u dang bat ia ka kam Superintendent of Police ka District.
, Shillong.){kind=link}