Shillong, Naiwieng 15: Ka 15 tarik Naiwieng kan dei ka sngi ban sah jingkynmaw namar ka kynhun tem “The Great Society”, ka kynhun tem ba pawnam bha ka Shillong, kala iatylli biang kum ka kynhun hadien 34 snem ban pynlyng-uh sa shisien ia ki paidbah ha ka Cherry Blossom Festival.
Kane ka kynhun tem ka kynthup ia u Bah Lou Majaw, Rudy Wallang, Ferdy Dkhar bad Keith Wallang, kiba la pynkhreh ban pynshongshit bad ban pynsah kynmaw ia ki paidbah kiba leit peitkai.
Kitei ki nongsdang ia ka tem ka put ha Nongbah Shillong kila long ki nongai mynsiem ia kiwei pat ki nongrwai bad ki nongtem ha kylleng jong ka ri India bad shabar ruh kumjuh. Ka Great Society kala long ka kyrteng kaba ioh rung ha man la ki iing ki sem bad kala ioh ia ka jingieid na ki paidbah naduh kiba rit haduh kiba la heh.
Kane ka jingiatylli ba sah khana kan kham khraw ban ia ka concert, kan dei ka jinglehkmen ia ki riewpawkhmat kiba prat lynti ia ka tem ka put ha Shillong ba kan kiew shaphrang. Ki nongkyrshan bad ki briew ba ieid ia ka tem ka put ki nym kwah ban duh ia ka lad ban sakhi ia katei ka tamasa kaba heh.
Na ka bynta ki samla, ki dei ban wan bad ban lap ia ka jingleh jadu jong ka ‘The Great Society’ bad ai ba ka por jong ka jingtem jingput bad ka rwai ka jongki kan pynkyndit bad pynshohbiej ia ki. Wat ym pep ban sakhia ia utei u mawjam ha ka histori jong ka tem ka put.
