Shillong, Naiwieng 13 : Lada phi la thait ia ka leit ka wan na surok ba khongwain bad ki jingdheng kali ha surok Shillong-Guwahati, pyrshang noh ban leit ban da ki liengsuin ba her na um kum ka sienjam ba thymmai.
Kane ka sngi kam jngai shuh ha kaba phi lah ban leit ban wan da ka liengsuin ba her na um, kaba pyniasoh ia ka Guwahati Riverfront sha ka Pung Umiam ha Ri-Bhoi District.
Ka Spicejet kala iohbor ban pyniaid kamai ia ki liengsuin um katba ki liengsuin ki dei ki jong ka De Havilland Aircraft ka Canada.
De Havilland Aircraft of Canada kala ong ha X ka sngewkmen palat ban pynbna ia ka Seaplane India demo tour ka ban long ha une u bnai Naiwieng ! Iai ap ia ki jingpyntip kiba bun. Ngi phai khmat ban pyni ia ki jingtreikam ba biang nadon ghadong jong ki Twin Otter ha ki Um ka Ri India.
DHC is excited to announce the Seaplane India demo tour is set to take flight this November! Stay tuned for more updates. We look forward to showcasing the versatility of the Twin Otter on Indian waters. #SeaplaneIndia #TwinOtter #AviationInnovation@RamMNK@MoCA_GoI pic.twitter.com/PflnpWt1He
— De Havilland Aircraft of Canada (@dehavillandAIR) October 8, 2024
Ka Airports Authority of India kala pynbna ia ka jingwan poi ki liengsuin ka De Havilland Aircraft ka Canada ha India.
Kala dep ban pynlong ia ka demo seaplane ha ki Jylla ba shathie ka Ri India. “Ka DHC-6 Series 400 Amphibian Aircraft kan leit pyrshang ban her ha kylleng ki thain ka RI kynthup ha Andaman & Nicobar Island bad ha kylleng ki jaka ba don um ka thain Shatei Lam Mihngi ka Ri India bad kiwei kiwei” ong ka AAI ha ka X.
#AAI is thrilled to announce arrival of De Havilland Aircraft of Canada @dehavillandAIR at Agatti Airport @aaiagaairport for a Demo Tour which started on November 11, 2024! The DHC-6 Series 400 Amphibian Aircraft will be exploring key regions, including Andaman & Nicobar Islands… pic.twitter.com/CL4r85qoyr
— Airports Authority of India (@AAI_Official) November 12, 2024
U Myntri ka Civil Aviation Rammohan Naidu Kinjarapu, un wan plie ia kane ka seaplane demo ha pung Umiam ha Ri Bhoi ka ban long mynta ka sngi ka 14 tarik Naiwieng. U Myntri un wan iuhkjat arsngi ha Shillong ban iashimbynta ruh ha kiwei ki jingialang ba kongsan ba iakren halor ki kam liengsuin bad ki kam pynroi ka thain.
Ka Sorkar India da ka jingkyrshan ka Sorkar Meghalaya, ka Pawan Hans Lts bad FICCI kala pynlong ia ka 6th Edition jong ki Helcopter & Small Aircraft Summit ha ka sngi Palei, ka 14 tarik Naiwieng ha Shillong.
U Myntri un pyniaid ia kane ka summit ha ka jingiadonlang ki kynhun bapher bapher kiba pyniaid ia ki helicopter bad ki liengsuin rit ba kynthup ki Operator, ki Regulator, Financing & Leasing Company, bad ki nongmihkhmat na ki Jylla bapher bapher.
U District Magistrate ka Ri-Bhoi District ula pynmih ia ka hukum ba pynjari ia ka kyndon 163 jong ka BNSS 2023 ba khang ia baroh ki kam ha Pung Umiam naduh ka jingiakieng lieng, ka jingkhwai doh, ki water sports bad kiwei kiwei, ka ban treikam naduh ka por 7 baje mynstep haduh 1 baje janmiet.
