Shillong, Naiwieng 07 : Ki samla pule ka North Eastern Hill University (NEHU) hynne ka step sngi Palei, kila khang tala syndon ia baroh ki khyrdop ban rung sha NEHU campus, ban pynthikna ia ka jingtreikam pura ka jingkhang khyrdep ia kane ka skulbah.
Ki samla pule kila ieng pahara hi hakhmat jong ki khyrdop bad kila khang tala ryngkat u kynjri khamtam eh ha ka khyrdop No.2, kaba dei ruh ka khyrdop ba kongsan eh ban rung shapoh ka skulbah.
Kane ka jingkhang khyrdep ia ka NEHU Campus kala jam sha ka sngi kaba ar mynta ka sngi hadien ba samla pule ka NEHU hapoh ka lama jong ka NEHU Students Union (NEHUSU) bala kyrshan da ka KSU-NEHU Unit, kila rai ban shah thngan khlem pud sngi nalor ka jingkhang khyrdep ia ka skulbah naduh ka sngi Nyngkong.
Kne ki samla pule kila shim ia kane ka sienjam halor ka jingsngap mynthi jong u Vice Chancellor ia ki mat jingdawa ba kynthup ia ka jingweng kam ia u Registrar, Deputy Registrar (Academics), Officer on Special Duty (Director, College Development Council) bad u Guest House In-charge.
Ha kane ka sngi ba-ar, la iohi ba bun ngut ki samla pule ba shong shah thngan, kila shah ai drip namar ka jingtlot jong ka met.
Kane ka jingiashong shah thngan kala don hakhmat ka Ophis treikam u Vice Chancellor ha Administrative Block bad kumjuh ruh ha phyllaw.
Hynnin ka sngi, u Vice Chancellor ka NEHU Prof PS Shukla ula pynksan ba um lah satia ban wengkam ia u Registrar bad u Deputy Registrar tang da ka rai shimet jong u namar ia kine la thungkam hadien ka jingbishar bad ki interview.
