Shillong, Naiwieng 06 : Ka Iingkashari Meghalaya High Court ha ka sngi Balang, kala hukum ia ka National Highway Authority of India (NHAI) ba kan maramot noh hapoh arbnai ia ka bynta jong ka surok bala sniew bha ha 102.225 Km ka National Highway-06.
Ha ka hukum bala pynmih hadien ba shong bishar ia ka PIL, ka Iingkashari kala ong “Ngi bthah ba ka surok bala sniew bha ha ki bynta jong ka Highway bala kdew haneng, kaba jrong kumba 5 Km eiei, dei ban maramot noh lane shna thymmai da ka NHAI hapoh ka arbnai ba ioh ia kane ka hukum”.
“Hapoh ar taiew b aphah ia kane ka hukum, ka NHAI ka dei ban shim noh kyrkieh ia ki sienjan tad haduh ban da pyntrei lut ia ka kam ba dei ban trei. Ia ka bynta ba sah ba 45 Km dei ban pyndep noh hashuwa ban wan biang ka aiom lyiur, ka ban long san bnai naduh mynta ka sngi” kala bynrap.
Ka Iingkashari kala pynpaw ruh ba kam don jingartatien ba ka NHAI kala don ia ka jingthmu kaba bha ban pyntreikam ia ka hukum jong ngi. Hynrei ngi hap ban kynthoh pat ia ka jingiaid jong ka kam kaba long suki bha.
Ka Iingkashari kala kdew ruh ba kane ka Highway hapdeng ka Jowai bad Ratacherra ka dei u budlum ka Meghalaya, Tripyra bad ka Mizoram.
