Shillong, Risaw 31: U Lat ka Jylla hynne ka sngi, u la ai jingmynjur ban thung ia u Bah FG Kharshiing IPS (Retd) kum u Mission Director jong ka Drug Reduction Elimination & Action Mission (DREAM) na ka bynta 3 snem.
La mynjur ban thung ia une u heh pulit ka jylla uba la shongthait na ka kam kum u Mission Director ha ryngkat ka jingsiew kaba iaryngkat bad ka jingsiew kaba khatduh ba la shim lait noh ka Pension ryngkat bad kiwei kiwei ki jingmyntoi katkum ba lah ban pdiang naduh ka tarik ba u shimti ia ka kam.
Ia katei la pynbna da u Sampath Kumar u Principal Secretary ka tnat Social Welfare ka Sorkar Jylla.
