Shillong, Risaw 27: U Akash Kumar Choudhary ula shim 3 wiket bad ai 59 run ia ka Meghalaya ha ka jingiakhun pyrshah ia ka Maharashtra kaba la kamai 263 run bad hap 5 wiket haka sngi baar jong ka jingiakhun ia ka Ranji Trophy Elite Group A hynne ka sngi u Blei ha Aurangabad.
Ka Meghalaya kaba la 274 run bad hap 8 wiket kala bteng ban tied biang hynne ka nsgi hynrei kala lah ban kamai 2 run bad hap lut ki nongtied ha kaba u Anirudh ula kamai 142 run.
Ka Maharashtra haba kala leit ban tied kala kamai 51 run bad hap 4 wiket hynrei kala don ka jingneh slem ki nongtied ka Maharashtra haba u Harshal Kate ula kamai 117 bad ym pat out bad u AN Kazi ula kamai 66 run kiba la kamai lang 142 run na ka bynta ka wiket kaba 5.
U Akash ula ioh ban pynkhyllem noh ia katei ka jingneh slem jong kitei ki arngut ki nongtied da kaba shim ia ka wiket jong u Kazi lyngba ka LBW hynrei ka Maharashtra kala bteng ban ialehkai bha bad kala kamai 263 run bad hap 5 wiket bad ka donkam ban kamai sa tang 13 run ban iaryngkat bad ka Meghalaya.
U Akash udei u nongialehkai uba la pydonkam bha ban kawang bol bad ula ioh khur 3 wiket bad ula ioh run ban pynout ia uwei u nongtied lyngba ka Run Out, katba u Aryan Borah ula ioh 1 wiket.
