Imphal, Risaw 23: Ki bor pahara ki la ioh kem ia 6 ngut ki ehrang ka kynhun kieng atiar Kangleipak Communist Party (People’s War Group) na Imphal East district ka Jylla Manipur.
Kine ki ehrang kiba shah kem ki kynthup Oinam Abung Meitei, Leimapokpam Hari Meitei, Yaikhom Lukhoi Singh, Oinam Bijen Meitei, Athokpam Inaobi Devi bad Moirangthem Ichan Devi.
“Hadien ba ngi la ioh jingtip, ngi la pynlong ia ka jingkhynra, bad kurup pisa T.3.89 lak, kawei ka kali bad ar tylli ki arshaka bad bun tylli ki mobile phone. Ngi la ioh kurup ruh ia ki kot ki sla bad kiwei kiwei ki tiar” ong uwei u heh pulit.
Katkum ka jingong ki pulit, katei ka kynhun ka donkti haki kam dawa pisa naki nongkhaii, ki nongtrei Sorkar bad naki riew paidbah ha katei ka thain.
Ka jingkhynra ka la neh kumba ar kynta eiei bad ka la kut noh da kaba kem ia ki 6 ngut kiba donkti ha ki kam dawa pisa.
Ki pulit ki la iathuh ba la lap ba kane ka kynhun ka donkti ban dawa pisa na ki paidbah, ki hospital, ki kompeni shimet bad ki ophis sorkar.
 na Imphal East district ka Jylla Manipur.){kind=link}