Shillong, Risaw 21 : Ka Tnad Postal ha ka sngi Nyngkong, kila pyllait paidbah ia ka Special Cover, Stamp bad ka Envelope jong ka Khasi Hills Autonomous District Council (KHADC) ha ka ‘Philatelic Exhibition Meghapex 2024’ kaba ar sngi.
Ia kane ka exhibition la pynlong da ka Department of Posts ha ryngkat ka jingiatreilang bad ka Meghalaya Postal Division ha State Convention Centre.
Ha kane ka exhibition la wan ban iashimbynta da ka DGP ka jylla ka Kong Idashisha Nongrang, u Chief Postmaster Northeast Circle u Sanjiv Ranjan, u CEM ka KHADC Bah Pyniaid Sing Syiem, ki Executive Member bad ki samla pule.
Haba iakren bad ki nongthoh khubor, u CEM ka KHADC u Bah Pyniaid Sing Syiem, ula ong ba ka jingthmu jong ka ‘Philatelic Exhibition Meghapex 2024’ ka long ban pyninam ia ki stamp bapher bapher kiba la pyndonkam naduh kip or hyndai hynthai.
“Ka Philatelic Exhibition Meghapex 2024 ka long kaba kongsan namar lyngba ka jingpyninam, la kynthup ia ka KHADC ha ka Postal Service of India kum ka Special Cover ha kaba la shon bad pynmih 2000 kopi.
“Ha ka Philatelic Exhibition Meghapex 2024, ngi lah pyllait ia ka Special Cover jongka KHADC kaba la phah sha ka National Museum ha Delhi da u Postal Master jongka North East Circle ia kaba yn sap hah biang sha ka District Council ban die ia kitei ki stamp bad ka Council kan lah ruh ban pyndonkam ia kitei ki stamp” ong u Bah Syiem.
Ula ong baka jingkynthup ia ka KHADC ha ka Postal Service lyngba ka Special Cover ka long ka jingkyrkhu bad kadei ka jingithuh jong ka sorkar pdeng bad ka Special Cover ka ai ka jingbatai shaphang ka KHADC ha ka ktien Hindi, English bad Khasi.
 ha ka 'Philatelic Exhibition Meghapex 2024' kaba ar sngi.){kind=link}