Nongstoiñ, Risaw 13: Ar ngut ki rangbah ki bym tip kyrteng, ki la mynsaw jur na ka jingleit ryngkoh jong ka maruti Alto K 10 hapoh ka thliew muri kaba heh bha kaba dap da ka um.
Katei ka jingjia ka la jia mynta ka janmiet sngi u Blei ha ka por kumba 3 baje ei ei ha Mawbroi, kaba jngai kumba shiphew kilomitar na Nongstoiñ shuwa ban poi ha Pamphyrnai lake.
Katei ka jaka ba hap ka kali ka dei hamar ba poi ka khongdong surok kaba pyniakhlad na ka National Highway Shillong Tura.
Kane ka kali Alto K10 ka dei kaba don їa u registartion Number ML.05 AC 3696 kaba la thiah lyndang hapoh ka muri kaba dap um.
Ki nongshong shnong kiba don ha katei ka jaka bad kiba їohi їa katei ka jingjia, ki la kynnoh ia u nongñiah namar ka jing pynher sted їa ka kali.
