Nongpoh, Risaw 13: Haka Lympung ïakop niah kali sha ki jaka lum, ki wah bad ki khlaw ki btab lane ka Off Road Challenge, u rang ñiah kali na ka Kerala u Mehboob K bad u Shafi CK ki la ïoh ban khur ïaka nam lahduh.
Kine kila ioh ia ka jingjop ha ka jingïakop niah kali haka kyrdan Pro-Modiffied Category bad ioh rah ïaka song pisa kaba 1.5 lakh tyngka ha ryngkat bad ka Trophy.
Haka kyrdan ïakhun jong ka Semi Modified, ïaka nam lahduh la rah da u Cameo Lawai bad u Freddy Mawrie bad haka kyrdan Stock Category la rah da u Rashid Mukhim bad u Banker Khongwir.
Ha ka jingïakhun niah kali jong ki kynthei pat, ïaka nam lahduh la rah daka Philita Syiem bad ka Markynti Warjri.
Nalor kitei ki khunsam la sam ruh ïaki ba wan baar bad balai bad la sam ruh ïaki khunsam sha ki Best Driver bad Co-Driver ha kitei ki lai tylli ki kyrdan.
Kane ka lympung iakop niah kali ba 3 sngi kaba la tip kum ka “Adventures Hynniew-Trep Off Roaders” AHOR 4X4 Off Road Challenge kaba 6, ka la poi noh sha kaba kut haka ka 12 tarik, Risaw ha Kharsati Nature Park, Umtham, Ribhoi District.
Ha kane ka sngi pynkut la wan ban pynshongkun da u Bah MB Tongper ADC Ribhoi kum u kongsan haka jingiadon lang u Bah Donlang Sohkhlet, Vice-Chairman ka Meghalaya Resource Employment Generation Council, u President ka kynhun AHOR bah Damian Umdor, bah Fedinand Jahrin Secretary, u bah Ferdinald Kharkamni Vice Preisdent lem bad kiwei kiwei ki dkhot jong ka AHOR.
