Shah kem 4 ngut ki nongdawa pisa kynthup 2 ngut ki dkhot ka HNYM

Date:

Share post:

Shillong, Nailur 18: Ki pulit jongka East Khasi Hills kila iohkem ia 4 ngut ki nongdawa pisa kiba la dawa T.10 Lak na uwei u briew.

Katkum ka kyrwoh na u SP ka East Khasi Hills u Bah S Nongtnger ula iathuh ba ha ka 24 tarik u Nailar 2024 kala don ka jingujor ejahar ha Madanrting Police Station ba ha ka 8 tarik u Nailar 2024, uwei u briew u bym lah ban ithuh ula phone ia uba ujor ejahar ha kanpor 7 baje mynmiet ha kaba ula dawa T.10 Lak.

Hadien katei, utei u briew ula phone biang la bunsien bad dawa ba dei ban siew noh mardor ia katei ka pisa.

Hynrei u nongujor ym shim la kohnguh ia katei ka jingdawa, kumta utei u nongphone bad arngut kiwei pat kila leit rung jubor sha ka iing jong utei u nongujor ha ka 20 tarik u Nailur ha ka por kumba 7 baje mynmiet da ka jingthmu ban dawa pisa.

Namar ba u nongujor ym shim la don ha iing ha katei ka por, kumta kitei ki briew kila byrngem byrsit ia ka khun kynthei ka jong u ban leh da kaba tyngeh.

U SP ula pynpaw ba la rejistar case ia katei ka jingjia ha Madanrting Police Station bad ha ka jingtohkit la iohkem ia ki 4 ngut kiba kynthupnl ia u Garnett Gedian Khongwir, 30 snem ka rta bad u Kyrshanbor Lyngdoh, 38 snem kiba dei ki dkhot ka HNYM. U Thounaujam David Singh, 41 snem ka rta bad u Narendra Kabrambam, 29 snem ka rta.

Ka jingtohkit halor katei ka jingjia ka dang iaid shakhmat ban wad ia ki daw tynrai baroh, la pynpaw u SP.

Share post:

spot_img

Popular

More like this
Related

Union Minister Jyotiraditya Scindia to attend Cherry Blossom Festival 2024

Shillong, Nov 12: Jyotiraditya M. Scindia, Minister of Communications...

NEHU students’ hunger strike enters Day 8, VC Shukla likely go on leave

Shillong, Nov 12: Amidst the deadlock between NEHU students...

Kular u Dharmendra ban pynbeit noh ia ki kynrum kynram ha NEHU | Ai khublei u CM ia jingshimkhia u Lat

Shillong, Naiwieng 12: U Myntri ka Sorkar Pdeng ba...

Yn wan pynshongshit u Jyotiraditya M. Scindia ha ka Cherry Blossom Festival

Shillong Naiwieng 12: U Jyotiraditya M. Scindia, u myntri...