Shillong, Nailur 13: Ka Khasi Hills Autonomous District Council (KHADC) hynne ka sngi Palei, kala pynlong iaka jingialang sngewlem halor ka jingkhlad noh jong u Chief Executive Member (CEM) barim u Bah Latiplang Kharkongor uba dang long ruh u MDC ka Nongthymmai Constituency.
U Bah Latiplang Kharkongor, ula khlad noh ha ka miet jong ka sngi Palei ha Civil Hospital Shillong.
Namar ka jingjia ba sngewsih, ka KHADC kala pynkynriah noh ia ka prokram ban plie ia ka jaka treikam jong ki Khlieh Nongsynshar na ki Hima bad ki Elaka bapher, kiba la bhah da ka KHADC na ka bynta ban tei ha Mawprem, kumta ia katei ka prokram la pynkynriah ban pynlong noh ha ka sngi Nyngkong jong ka taiew ban wan.
Ha katei ka jingialang sngewlem la ioh ia ka jingkren na u CEM ka KHADC u Bah Pyniaid Sing Syiem bad u Deputy CEM u Bah Pynshngain N. Syiem, ha kaba la iadonlang ki Executive Member, ki Syiem, ki Lyngdoh na ki Himas bad Elaka bapher bapher.
U Bah Latiplang Kharkongor ula shah jied kum u MDC ka KHADC saw sien lynter naduh u snem 2004 na ka Nongthymmai Constituency.
Ula shah jied kum u CEM ka KHADC kum u MDC khlem seng naduh ka 22 tarik u Naiwieng 2019 haduh ka 20 tarik u Lber 2020 bad ula shah pynkhyllem noh ha ka kynhun United Democratic Alliance (UDA) kaba la ialam da u Bah Teinwell Dkhar na ka seng UDP ha ka jingiatynjuh bor hapoh ka iing dorbar.
 hynne ka sngi Palei, kala pynlong iaka jingialang sngewlem halor ka jingkhlad noh jong u Chief Executive Member (CEM) barim u Bah Latiplang Kharkongor uba dang long ruh u MDC ka Nongthymmai Constituency.){kind=link}