Shillong, Nailur 12 : U Chief Executive Member (CEM) barim ka Khasi Hills Autonomous District Council (KHADC) bad MDC shimet ba mynta jong ka Nongthymmai Constituency, Bah Latiplang Kharkongor, ula khlad noh na kane ka sla pyrthei ha ka janmiet sngi Palei ha Shillong.
U Bah Latiplang ula khlad hapdeng ka jingshitom kaba la ban la katto katne por ia ka met jong u, ha Shillong Civil Hospital, hadien ka jingwan phai na ka jingsumar na Nongbah Delhi.
U Bah Latiplang ula bat ia ka kam MDC haduh san samoi ban mihkhmat ia ka Nongthymmai constituency sha ka Iingdorbar ka KHADC.
Ha ka 23 tarik Naiwieng, 2019, u Bah Latiplang ula shah jied kum u Chief Executive Member (CEM) jong ka KHADC, kum u MDC shimet ha ka elekshon kaba bun drama sain pyrthei jong ka Council.
Lah ban kdew hangne, u Bah Latiplang Kharkongor u dei ruh uba la bat kum u President jong ka seng Hynniewtrep National Youth Front.
Haba ioh jingtip ia kane ka khubor ba sngewsih, u CEM ba mynta ka KHADC Bah Pyniaid Sing Syiem, ula leit sngewlem sha Civil Hospital bad pynpaw ia ka jingsngewsih halor kane ka jingkhlad une u MDC.
U CEM ula pynbna ruh ba ka KHADC kan ai ai shuti shiteng sngi ha ka 13 tarik Nailur kum ka dak ka jingsngewlem halor ka jingkhlad u Bah Latiplang.
 barim ka Khasi Hills Autonomous District Council (KHADC) bad MDC shimet ba mynta jong ka Nongthymmai Constituency, Bah Latiplang Kharkongor, ula khlad noh na kane ka sla pyrthei ha ka janmiet sngi Palei ha Shillong.){kind=link}