Nongpoh, Nailur 10: Ki runar ki bym lah ban ithuh, kila kyndang jubor ia artylli ki dukan ha sor Nongpoh bad rong tuh ia ka pisa nalor ka jingpynra dusmon ia ki tiar ki tar kiba don hapoh dukan.
Kine ki dukan ki dei kiba la tip kyrteng ka Moon Light Studio kaba don ha ka building u Bah Hubert Marwein bad kawei pat ka dukan jong u Tura Miah kaba die marbam bad mar khutia.
Kat kum ka khubor Pulit, la antad ba kane ka jingjia kala jia hynne ka miet shiteng synnia. La ong ba ki runar kila kyndang jubor ia ka jingkhang nar jong kitei ki dukan ban ioh rung shapoh.
Ki trai duan kila leit ban ujor da ka ejahar sha ki Pulit ka Nongpoh Police Station halor kane ka jingjia.
Ki Pulit ka Nongpoh ha ryngkat ka kynhun dog squad kila hiar ban lum ia ki sakhi satar na kine ki dukan bad ka jingtohkit mynta kala iaid shakhmat ban lapdien ia ki runar kiba donkti.
