Nongpoh Nailur 07: Shisngi hadien ba ki bor sorkar ka Assam, kila kyndang naphang ia ki dukan bad ki ïing kiba don ha Iew 15Mer ha ka liang Assam, hynne ka sngi Saitjain, ka seng Federation of Khasi Jaintia and Garo People’s (FKJGP) kala leit khang noh ia ki dukan kiba la wan buh be-ain ha ka 15 Mer, Ri Bhoi bad ka maham ba kim dei ban buh dukan ha ki jaka jongka Meghalaya.
Ka seng FKJGP hapoh ka jingialam u Samla Kitbor Suting, Organising Secretary ka FKJGP Byrnihat Circle ryngkat ka jingdonlang u Vice President ka FKJGP NKHD u Bah Lumlang Mawnai, kila leit ban khang ia ki dukan jong ki katto katne ngut ki briew bym ithuh ithaw, kiba la wan ban buh dukan harud ka surobah NH-6 kaba hap hapoh u pud u sam ka shnong 15Mer, Ri Bhoi.
Ka FKJGP, kala leit ban maham ia ki bar jylla ba kim bit ban wan buh dukan hapoh katei ka jaka kaba la hap sha Meghalaya.
U Samla Kitborlang Suting, haba iakren bad ki nongthoh khubor, ula ong ba ka seng kan ym ailad ia kitei ki briew kiba la shah kyndang na Assam ba kin wan buh dukan pat hapoh u pud u sam jongka jylla Meghalaya.
Ula ong, ka seng kan iai peitngor bha nangne shakhmat bad lada lap ia kino kino kiba la shah beh na Assam ba kin wan buh dukan ne ban wan sah ha Meghalaya, kumta ka seng kan beh krad beit ia ki.
 kala leit khang noh ia ki dukan kiba la wan buh be-ain ha ka 15 Mer, Ri Bhoi bad ka maham ba kim dei ban buh dukan ha ki jaka jongka Meghalaya.){kind=link}