Shillong, Nailur 03 : Ka Meghalaya State Pollution Control Board (MSPCB) kala hukum ban khang tala ia 6 tylli ki karkhana kiba jur ka jingpynmih tdem jaboh hapoh ka Industrial Estate (EPIP), Byrnihat.
Kine ki karkhana ki dei kiba pynkhein ia ki jingbthah bala ai da ka MSPCB. La hukum ban khang tala shuwa ia ki bad sangeh ka jingtreikam baroh tad haduh da kiba pyntreikam ia ki kyndon bala buh ban tehlakam ia ka jingpynjakhlia ia ka lyer bad ban iada ia ka koit ka khiah ki paidbah.
Kane ka hukum kala mih hadien ka jingleit jurip jong ka kynhun ka MSPCB bala ialam da u Principal Secretary ka Tnad Forest & Enviroment Sampath Kumar ia ki karkhana ha EPIP hynne ka sngi Ba-ar.
Kane ka kynhun kala jurip haduh 10 tylli ki karkhana bad shem ba 6 tylli ki dang iai bteng iai bteng ban pynkhein ia ki jingbthah bala buh da ka MSPCB
La iathuh ba ha ka jingjurip, la shem ba ki karkhana kim don satia ia ki meter kiba biang ban thew ia ka jingpynmih tdem ne ki Pollution Control Device (PCD). La shem ruh b aka jingpynmih tdem ka long kaba shyrkhei kaba kot haduh PM2.5 level n aka 64.2ug/m3, kaba ha thmit u pud ba la khein bym shngain ia ka koit ka khiah (35ug/3m over 24 hrs).
Wat hapdeng shibun ki jingbthah na ka MSPCB, kaba bthah ban tehlakam ia ka jingpynmih tdem Particulate Matter (PM10 bad PM2.5), Sulphur Dioxide (S02), bad Nitrogen Dioxide (N02) hapoh u pud bala buh, ki karkhana kim shym la lah ban tehlakam ba kynthup ruh ia ka jingbym lah pyntreikam bha ia ka PCD bad ka jingpyndait ia ka Online Continous Emission Monitoring System (OCEMS).
Namar kine ki jingpynkhein, ka MSPCB kaba la pynmih ia ka hukum ban khang tala ia kine ki karkhana ba pynmih tdem jaboh bala shem ha kane ka jingjurip tad haduh ba kin da pyntreikam ia ki kyndon bala buh.
Lah ban kdew hangne, dang shen ka Centre for Research on Energy and Clean Air (CREA) kala pyllait ia ka kaiphod kaba pyni ba ka Byrnihat ka dei ka jaka sor kaba jaboh tam ka lyer hapoh ka Ri India.
Kane ka kaiphod jong ka CREA kala poi ruh ha ka jingiatai hapoh ka Dorbar ka Iingdorbar Thaw Ain ka Jylla, ha kaba u Myntri Rangbah ka Jylla Conrad K Sangma ula ong ba ka Sorkar Jylla kam shym la khein sting satia ia ka jingpynmih tdem jaboh jong ki karkhana ha Byrnihat.
Ula pyntip ba ka Meghalaya State Pollution Control Board (MSPCB) kala pyndait ia ki kor, ka ban ai jingkhein ia ka jinglong ka lyer manla ka sngi ha ka thain Byrnihat.
. La shem ruh b aka jingpynmih tdem ka long kaba shyrkhei kaba kot haduh PM2.5 level n aka 64.2ug/m3, kaba long lai shah na ka jinglong ka lyer kaba la khein bym shngain ia ka koit ka khiah (35ug/3m over 24 hrs).){kind=link}