Guwahati, Nailar 27: U Myntri Rangbah ka Assam u Himanta Biswa Sarma hynne ka sngi Baar ula pynpaw ba un i shah liang beit bad yn ym ailad satia ba ka Jylla Assam kan kylla long ka bri jong ki ‘Miya’ Muslim.
Ka kyntien ‘Miya’ ka kdew ia ki riewngeit Muslim kiba dei ki Bengali ia kaba la kynnoh ba ki dei ki mynder ri.
Haba kren haka iingdorbar thawaiñ ka jylla Assam halor kaj ingkylli kaba la buh da ka Liang Pyrshah halor ka jingpyrshang ban thombor ia ki ritpaid Muslim bad ka jingpulom ban pynneh ia ka shongsuk shongshngaiñ, u Sarma ula jubab da kaba ong, “Ngan ia shah liang, kaei kaba phi lah ban leh? Ngan ym ailad ba ki Miya kin shimti ia ka Assam”.
“Ai ba kin iakhun na ka vote jong ki rit paid, ngam don ha kata ka jingiakhun ka jongki. U MLA ka Janiya Constituency bad u Nongialam ka Liang Pyrshah ula kren khnang ne kren khlem da mut bad ula kren bah eh. Kaei kaba phi lah ban leh, to leh ia kata hynrei ngan ia shah liang beit” ong uSarma.
“Phim shim la ailad ia nga ban ngan ai ia kajingpynpaw ne jingpynsngew, kam don kano kano ka jingeh ban pynpait pynpra bad ban synshar pat ne ka Divide & Rule”
“Ka jingkren kaba heh, la kren da u Rafikul Sahab bad Debabrata Saikia ba ki briew kin sa mih na Lower Assam sha Upper Assam, hynrei balei kin mih kumtei, ai ia nga ia ka jubab”
Phi baroh phi kwah ban shim ia baroh ka Lower Assam, phi baroh ki Miya Muslim phin sa shim ia ka Lower Assam baroh kawei?
“Ngi ngin ym ailad ia phi baroh ba phin shim ia ka Lower Assam, em da lei lei ruh,” ong u Sarma.
Kane ka jingkren u Sarma kala mih tang hadien 2 sngi hadien ba u MLA ka Liang Pyrshah u Akhil Gogoi ula kam ba ka BJP ka pyrshang ban pynmih iaka jingiakynad kaba la jia ha Gujarat ha u snem 2002 ba kan jia mynta ha Assam.
U Gogoi ula kam ha ka sngi u Blei, ba kila don ki jingtip ba ki katto katne ki kynhun kiba la leit ban byrngem byrsit ia ki Miya Muslim na Upper Assam ba kidei ban mih noh na katei ka jaka.
Ka seng kaba don ha ka liang pyrshah ka All India United Democratic Front (AIUDF) kala phah da ka jingthoh sha u Lat ka jylla u Lakshman Prasad Acharya ban leh eiei mardor pyrshah ia ki kynhun ki bym lah ban tip ne ki kynhun niam kiba la byrngem byrsit ia ki Muslim bakidei ban mih noh na ka Upper Assam.
Haba ia kren bad ki nongthoh khubor, u u Nongialam ka Liang Pyrshah u Debabrata Saikia ula ong, “Kila don bun tylli ki jingjia ba kala pulom ha kaban pynneh ia ka shongsuk shongsaiñ, ka jingshah batbor, ki kam lute, kam pyniap briew bad kiwei kiwei. Ngi lah dep ban ai ia ka jingkhei nhalor kitei. Tang hapoh jong ka 7 sngi ha u bnai Jylliew kila don palat 20 tylli ki jingjia ba ki briew kila shah pyniap, ka jingshah wiang ding bad kiwei kiwei.
Kumjuh ruh ha kine ki sngi ka jingsynshar ka BJP kila don kumba 6 tylli ki jingjia shah leh be-ijot ha ka shi sngi katkum ka jingioh lum jingtip kaba long kaba heh shibun ban ia ki 15 snem kiba la dep ha ka por ba ka Congress ka dang synshar iaka jylla Assam,”.
“U Myntri Rangbah u pyrshang ban kren ba ki don kattokatne ki jaidbynriew kiba donkti. Kala don ka jingshah ktahkti ki nongshong shnong ka ri kiba dei na ki jaidbynriew ritpaid.
Hynrei u Mynti Rangabh ka Assam u Himanta Biswa Sarma ula pyrshang ban ong ba kadei tang kawei ka jaidbynriew kaba donkti ha kaban leh ia ki kam sniew hapoh ka jylla Assam hynrei ki jingtip kiba la iohlum pat kim shym la kdew eiei ia kata.Kumta ngi lah pan ba dei ban iakren bad iatai ia kane ka mat hynrei u Myntri Rangbah ula ong pynban ba kadei ka jingwanrah iaka jingiapher jaidbynriew ne niam. Ngi lah pyrshah jur bad iakhih hapoh ka iingdorbar thawain bad ngi lah mih jyndat noh na ka iingdorbar thawain,” la ong u Saikia.
